بلوچستان کے ڈسٹرکٹ کیچ کے دیہی علاقے کولواہ بلور اور گردنواح میں پاکستانی فوج کی جارحیت تیسرے روزجاری ہے۔
سنگرڈیسک کو ملنے والی اطلاعات کے مطابق مذکورہ علاقوں میں فورسز کی آمد جاری ہے اور پہاڑی علاقوں میں فورسز پیش قدمی کررہیجبکہ کیچ کے ڈسٹرکٹ ہیڈ کوارٹر سے مزید فوجی قافلوں کی بھی آمد جاری ہے۔
علاقائی ذرائع بتاتے ہیں کہ گذشتہ روزسے کولواہ کے مختلف پہاڑی علاقوں میں فورسز کی زمینی اور فضائی آپریشن جاحیت جاری ہے۔
ذرائع کے مطابق آج تیسرے روز بھی کولواہ کے مختلف علاقوں میں گن شپ ہیلی کاپٹروں کی پروازیں اور شیلنگ جاری ہے۔جبکہ جاسوسی طیارے بھی گشت کررہے ہیں۔
تین دنوں سے جاری فوجی جارحیت اور علاقے میں فورسز کی بڑی تعداد میں آمد سے لوگ گھروں میں محصور ہیں جہاں خوف کا سماں ہے۔
