بلوچستان لبریشن فرنٹ نے گوادر میں عسکری تعمیراتی کمپنی کی سیکورٹی چوکی پر حملے کی ذمہ داری قبول کرلی۔
بی ایل ایف کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں کہا ہے کہ گذشتہ دنوں 6نومبر کو رات گیا رہ بجے سرمچاروں نے گوادر کے زیروپوائنٹ کے علاقے گھٹی ڈورمیں قائم پاکستانی فوج کے تعمیراتی کمپنی ایف ڈبلیو او کے حفاظتی مورچے پر دستی بم سے حملہ کیا ہے۔
حملے کے نتیجے میں ایک اہلکار زخمی ہوگیا۔
ترجمان نے کہا کہ بلوچستان سے پاکستانی فوج کے انخلا تک اس پر حملے جاری رہیں گے۔
