بلوچستان نیشنل پارٹی کے سربراہ اختر مینگل نے مائیکرو بلاگنگ ویب سائٹ ٹوئٹر پر بلوچستان میں جاری بارش و سیلاب کی تباہ کاریوں کی پاکستانی میڈیا پر عدم کوریج پر تنقید کرتے ہوئے کہا کہ بلوچستان میں طوفانی بارشوں اور سیلاب سے جانی ومالی نقصانات رونما ہوئے ہیں، حکومتیں تو دکھائی دیتی نہیں لیکن اس ملک میں کئی ٹی وی چینلوں کی موجودگی کے باوجود لاپتہ افراد کی طرح سیلاب متاثرین کی خبریں بھی لاپتہ ہوگئی ہیں۔
انہوں نے کہا کہ ممنوعہ علاقوں کے یہی دستور ہوتے ہیں کہ آفت چاہے قدرتی ہو یا ریاستی خبر باہر نہیں جانی چاہیے۔
واضع رہے کہ بلوچستان میں طوفانی بارش و سیلاب سے اب تک سینکڑوں افراد ہلاک ہوگئے ہیں جبکہ لاکھوں کی تعداد میں لوگ بے گھر ہوگئے ہیں۔
