بلوچستان کے علاقے ڈیرہ مراد جمالی اور ہرنائی میں فائرنگ اور مٹی کا تودہ گرنے کے دو مختلف اوقعات میں 2افراد ہلاک ہوگئے۔
ڈیرہ مراد جمالی میں اناج منڈی کے گیٹ کے قریب مسلح افراد نے فائرنگ کرکے ایک شخص کو قتل کردیا اور فرار ہوگئے۔
پولیس کے مطابق ڈیرہ مراد جمالی کے اناج منڈی کے گیٹ کے قریب دکان میں بیٹھے شخص پر مسلح موٹر سائیکل سواروں نے پرانی دشمنی کی بنا پر فائرنگ کرکے رسول بخش ڈومکی کو قتل کردیا اور فرار ہوگئے۔
اطلاع ملنے پر پولیس جائے وقوعہ پر پہنچ گئی اور لاش کو تحویل میں لیکر ہسپتال پہنچا دیا جہاں ضروری کاروائی کے بعد لاش کو ورثہ کے حوالے کرکے مزید کارروائی شروع کردی ہے۔
دوسری جانب ضلع ہرنائی کے علاقے شاہرگ کوئلہ کان میں مٹی کا تودا گرنے سے ایک کانکن ہلاک ہوگیا۔
لاش کو کانکنوں نے اپنی مدت آپ کے تحت کان سے نکال کررورل ہیلتھ سنٹر شاہرگ منتقل کیا۔
ہلاک ہونے والے کانکن کی شناخت حسن زادہ ولد شاہزادہ سکنہ شانگلہ خیبر پختونخوا کے نام سے ہوگئی ہے۔
