بلوچستان کے ضلع قلعہ عبداللہ کے تحصیل گلستان کے علاقے سیگی میں 2گروپوں میں تصادم کے دوران فائرنگ کے نتیجے میں راہ گیر سمیت2افراد ہلاک جبکہ 2افراد زخمی ہوگئے۔
انتظامیہ نے موقع پرپہنچ کر حالات پر قابوپالیا۔
ڈپٹی کمشنر قلعہ عبداللہ منیراحمدکاکڑ کے مطابق گزشتہ روز تحصیل گلستان میں دوگروپوں میں معمولی تکرار پر تصادم کے دوران فائرنگ کے نتیجے میں رہ گزرتے رہ گیر سمیت 2افراد ہلاک جبکہ 2زخمی ہوگئے ہیں۔
ڈپٹی کمشنر کے مطابق لیویز اہلکاروں نے جائے وقوعہ پرپہنچ کر علاقے کی ناکہ بندی کرکے حالات کوقابو میں کرلیا۔
لاشوں اور زخمیوں کو ہسپتال منتقل کردیاگیاہے۔
مزیدکارروائی متعلقہ انتظامیہ کررہی ہے۔