بلوچستان کے ضلع کیچ کے علاقے دشت میں گذشتہ روزپاکستانی فوجی چوکی پر ہونے والے حملے اور اہلکاروں کی ہلاکت کے بعدزمینی وفضائی آپریشن کا آغاز کردیا گیا ۔
سنگر کے مقامی ذرائع کے مطابق دشت کے علاقے سبدان میں سیکورٹی فورسز کی آمد کا سلسلہ جاری ہے۔
ذرائع کا کہنا ہے کہ دو ہیلی کاپٹر دشت سبدان چوکی میں موجود ہیں اور دیگر دوگن شپ ہیلی کاپٹر کہیر کور اور پہاڑی سلسلوں میں فضائی سرچ آپریشن کررہے ہیں۔جبکہ پہاڑی سلسلوں میں زمینی فورس کی ایک بڑی تعدادکی سرچ آپریشن جاری ہے۔
خیال رہے کہ گذشتہ روزدشت کے علاقے کہیر کورمیں واقع فوجی چیک پر مسلح افراد نے حملہ کرکے 17اہلکار ہلاک کئے جس کی ذمہ داری بی ایل ایف نے قبول کرلی ہے۔
