کورونا وائرس سے نمٹنے کے لیے 30 دن کے لیے یورپی یونین باہر سے آنے والے تمام مسافروں کے لیے اپنی سرحدیں بند کر رہا ہے۔
اس بندش کا اطلاق یورپی یونین کے 26 اراکین کے علاوہ آئس لینڈ، لیکٹن سٹائن، ناروے اور سوئٹزرلینڈ پر بھی ہوگا تاہم برطانوی شہری حسبِ معمول یورپ کا سفر کر سکیں گے۔
اس سفری پابندی سے وہ تمام لوگ متاثر ہوں گے جو کہ یورپی یونین کے نہیں ہیں۔ جو افراد لمبے عرصے سے یورپ میں رہ رہے ہیں یا جو کسی یورپی شہری یا سفارت کار کے رشتہ دار ہیں، ان پر یہ پابندی لاگو نہیں ہوگی۔
صحت کے شعبے میں کام کرنے والوں پر بھی اس پابندی کا اطلاق نہیں ہوگا۔
