جیے سندھ متحدہ محاذ کے چیئرمین شفیع برفت نے اپنے بیان میں کہا ہے جب تک بنگلادیش آزاد ملک نہیں بنا تھا اور آزادی کی جدوجہد میں بنگالی قوم مصروف تھی اس وقت تک بنگال میں الشمس اور البدر کی معرفت نسل پرست فاشی ذہنیت کا زہر کچھ لوگ بنگال میں بھیلا رہے تھے، مگر جیسے ہی بنگلادیش آزاد ہوگیا تو الشمس اور البدر کی نسل پرست فاشی ذہنیت ازخود دم توڑگئی، سندھ بھی جب سندھودیش بن جائے گا اس کے بعد نسل پرستی ازخود دم توڑدے گی۔
انھوں نے کہا ہمارا تھوڑا سا صبر نسل پرستی کی موت ثابت ہوگا کیوں کہ پوری دنیا میں نسل پرستی اور بنیاد پرستی کے خلاف مہذب معاشرے متحد اور متفق ہیں۔فرق یہ ہوگا کے نسل پرستوں کی سندھ دشمنی کی وجہ سے سندھودیش کی آزادی کے لیے قربانیوں میں تھوڑا سا اضافہ کرنا ہوگا، ذراسا خون زیادہ بہے گا۔
