ایرانی صدر ابراہیم رئیسی نے کہا ہے کہ افغانستان میں ’امریکی انخلا اور شکست‘ سے ملک میں پائیدار امن کا موقع پیدا ہوا ہے۔
صدر کی ویب سائٹ کے مطابق رئیسی نے سبکدوش ہونے والے ایرانی وزیر خارجہ جواد ظریف سے بات چیت میں یہ کہا۔
صدر رئیسی کا کہنا ہے کہ افغان شہریوں کے سلامتی، استحکام اور فلاح کے حقوق کا تحفظ ہونا چاہیے۔ ’ایران استحکام قائم کرنے کے لیے کوششں کرے گا۔ یہ افغانستان کی سب سے پہلی ضرورت ہے۔ ہمسایہ ملک کی حیثیت سے یہ تمام گروہوں سے مطالبہ کرتا ہے کہ قومی اتفاق پیدا کریں۔‘
انھوں نے مزید بیانات میں تسلیم کیا کہ ایران اس پیشرفت پر نظر رکھے ہوئے ہے۔ ایران نے سابق صدر حامد کرزئی کی جانب سے پیش اقتدار کی عبوری منتقلی کے منصوبے کی حمایت کی ہے۔
جواد ظریف نے اپنے ایک ٹویٹ میں کہا تھا کہ وہ امن کی کوششوں کی حمایت کرتے ہیں۔
