سندھ کے مرکزی شہر کراچی میں جامعہ کراچی شیخ زید گیٹ کے قریب دستی بم حملے میں ایک رینجرز اہلکار زخمی ہوا ہے۔
ذرائع کے مطابق حملہ شیخ زید اسلامک ریسرچ سینٹر کے باہر کیا گیا ہے۔
ذرائع کا کہنا ہے کہ کریکر حملہ جامعہ کراچی شیخ زید گیٹ کے قریب کیا گیا، حملے میں ایک رینجرز اہلکار زخمی ہوگیا۔ ایس ایس پی ایسٹ کا کہنا ہے کہ موٹرسائیکل سوار دستی بم پھینک کر فرار ہوگئے۔
خیال رہے قبل ازیں کلفٹن میں بلاول ہاؤس سے متصل چائنا ٹاؤن ریسٹورنٹ کی گاڑی پر موٹرسائیکل سوار مقناطیسی ڈیوائس لگا کر فرار ہوگئے، پولیس اور بم ڈسپوزل اسکواڈ نے موقع پر پہنچ کر بم کو ناکارہ بنادیا۔
