بلوچستان میں پرمان مظاہرین پر پاکستانی فورسز و حکومت بلوچستان کی کریک ڈائون و بربریت کیخلاف بلوچ یکجہتی کمیٹی کی کال پر پورا بلوچستان سراپا احتجاج ہے ۔
خضدار و کوئٹہ میںاحتجاجی ریلی نکالی گئی اور مظاہرہ کیا گیا جبکہ کئی علاقوں میںشٹر ڈائون ہڑتال رہی ۔
خضدار وکوئٹہ میں احتجاجی مظاہروں میں سینکڑوں کی تعداد میں خواتین و بچوں نے حصہ لیا اور حکومتی کریک ڈائون اور زیادتیوں کیخلاف مارچ کیا۔
مظاہرین نے جبری لاپتہ وگرفتارکارکان کی فوری رہائی کا مطالبہ کیا۔
اس سلسلے میں بی وائی سی نے اپنے ایک بیان میں کہا ہے کہ کوئٹہ کے عوام بلوچ قومی اجتماع کے شرکاء کے خلاف ریاستی اداروں کی بربریت کے خلاف سڑکوں پر نکل آئے۔ بلوچ قوم آخری دم تک ریاستی جبر کا مقابلہ کرنے کا عزم رکھتی ہے۔ تشدد اور دھمکیوں سے ضمیر کی آوازوں کو خاموش نہیں کیا جا سکتا۔
بی وائی سی کا کہنا تھا کہ پرامن بلوچ راجی مچی پر پرتشدد حملوں کے جواب میں، پورے بلوچستان میں مظاہرے پھوٹ پڑے۔
آج کاہران، قلات، دالبندین اور دیگر مقامات پر عوام بڑی تعداد میں احتجاجی مظاہرے اور شٹر ڈاؤن ہڑتالیں کر رہے ہیں، ریاستی ظلم و بربریت کا شکار ہونے والے اپنی جانوں سے ہاتھ دھو بیٹھے اور سر پکڑ کر گولیوں کے سامنے بہادری سے مارچ کر رہے ہیں۔
