بلوچستان کے ضلع کیچ کے علاقہ تجابان کے رہائشی بہادر چاکر کی جبری گمشدگی کے خلاف لواحقین کی جانب سےایم ایٹ سی پیک روڈ کے تجابان کے مقام پر آج دوسرے روز بھی احتجاجی دھرنا جاری ہے۔
ہفتے کی شب تجابان سنگ کلات میں پاکستانی فورسز نے بہادر چاکر نامی نوجوان کو جبری لاپتہ کردیا ۔
نوجوان کی جبری گمشدگی کے خلاف اہلخانہ اور اہل علاقہ نے سی پیک شاہراہ بلاک کردیا اور دھرنا دے کر ٹریفک معطل کردی ہے۔
لواحقین نے گزشتہ رات بھی سی پیک روٹ پر گذارا جبکہ آج دوسرے روز احتجاجی دھرنا بدستور جاری ہے۔
فورسز ہاتھوں ہوشاپ اور تجابان سے جبری گمشدگی کےشکار ہونےوالےطالب علم اسلم ولد کریم بخش،حمل ولد قادر بخش اور بہادر ولد چاکرکے لواحقین نےان کی باحفاظت بازیابی اپیل کی ہے ۔
