بلوچستان کے ضلع کیچ کے مرکزی شہر تربت میں تربت یونیورسٹی انتظامیہ کیخلاف طلبا نے گذشتہ روزاحتجاج کرتے ہوئے ایڈمن بلاک کا گھیراؤ کرلیااور دھرنا دیا۔
بلوچ اسٹوڈنٹس ایکشن کمیٹی (بساک ) کے زیر اہتمام طلباو طالبات کا احتجاجی دھرنا آج دوسرے روز بھی جاری ہے ۔
دھرنامظاہرین کا کہنا ہے کہ یونیورسٹی انتظامیہ کی جانب سے مطالبات سننے اور مذاکرات کیلئے اب تک کوئی وفد نہیں آیا ہے۔اسی لئے مطالبات کی منظوری تک یہ دھرنا جاری رہے گا۔
واضع رہے کہ طلبہ و طالبات کی بڑی تعداد نے ایڈمن بلاک کا گھیراؤ کرکے دھرنا دیا ہوا ہے جبکہ یونیورسٹی انتظامیہ کی ہدایت پر بساک کے سنیئر رہنما ڈاکٹر مصدق سمیت اہم رہنماؤں کو مین گیٹ پر روک کر اندر جانے نہیں دیا گیا جس کے سبب وہ یونیورسٹی کی مین گیٹ کے سامنے دھرنا دیے بیٹھے ہیں۔
یہ دھرناگزشتہ روز پروفیسر منظور احمد بلوچ کو جامعہ تربت میں طلبہ کے ایک لیکچر پروگرام میں شرکت سے روکنے اور اس سے پہلے طلبہ تنظیموں کی طرف سے یونیورسٹی میں کتاب میلہ پر انتظامیہ کی عائد شدہ پابندی کے خلاف دیا جارہا ہے۔
