مات ءُ گْوھار تئی بیگْواہ اَنت
ترا لج نہ کنت تو اوٹ کن ئے؟
تئی نیاڑی ڈُنگیں لشکر ءِ بندیگ اَنت
ترا لج نہ کنت تو اوٹ کن ئے؟
تئی گیرت دست ءِ ڈُنگاں تاراج اِنت
ترا لج نہ کنت تو اوٹ کن ئے؟
شاری ءِ ھونانی کندیل روک اِنت
ترا لج نہ کنت تو اوٹ کن ئے؟
تئی چادر ءُ چاردیواری ھر روچ پادمال اَنت
ترا لج نہ کنت تو اوٹ کن ئے؟
دژمن ءِ پنجگ تئی مات ءِ ملگوراں سَکّ اِنت
ترا لج نہ کنت تو اوٹ کن ئے؟
ازت ءُ ننگانی باپار اِنت
ترا لج نہ کنت تو اوٹ کن ئے
زرینہ گوں مُراد ءَ بیگْواہ اِنت
ترا لج نہ کنت تو اوٹ کن ئے؟
نورجان ءِ کودکیں زھگ ارس شل اَنت
ترا لج نہ کنت تو اوٹ کن ئے
ھبیبہ پیرجان دژمن ءِ ارجان اِنت
ترا لج نہ کنت تو اوٹ کن ئے
دژمن ءَ ننگ ءِ آنجگ دست جتگ
ترا لج نہ کنت تو اوٹ کن ئے؟
بژنیگ اِنت مرزبوم ءِ چاریں آتْراپ
ترا لج نہ کنت تو اوٹ کن ئے؟
ترا لج نہ کنت تو اوٹ کن ئے؟
٭٭٭
