نی ہرانگ اناس زیبل
ہر دم نا خیالاک بریرہ
استخوان هشینگیو
جنگل هشینگو
تولویوه سنگر آ نا یات آک بریرہ
الے او بیوفاء
او زر اٹ بدل کرینے
بر کنا باکر آ
کنا مال و مڈی نا مریرہ
ای نیکے زہیری
کنا جوزہ غاک بے چاڑ
نی برک تینے نشان ایت
نودان و تموچن نیکے ندر مریرہ
اوفک انار خلتوس چک
اوفتا گڈ رند نے آ قربان مریرہ
خلق هشینگا ڈغار باسنے
نی کنا لیلی بریس ہر گڑاک یخ مریرہ
تغ بفک خن مچھ مفک
نیم نن آ تولیو آرام بفک
نی برک ساعتس
ہر وخت او ساعت آک جوان مریرہ
نی ہرانگس گل سہر نا پھل
نی برک زید اٹی پین پھل ردیرہ
پین پھل ردیره
