بلوچستان کے علاقے مشکے سے دس روز قبل فورسز کے ہاتھوں ہونے والے شخص کو فورسز نے دوران حراست شدید تشدد کا نشانہ بناکر قتل کیا ہے۔
زیر حراست قتل ہونے والے شخص کی شناخت انور ولد محمود کے نام سے ہوئی ہے۔
مذکورہ شخص کو رواں ماہ 11 نومبر کو فورسز نے مشکے سے کمسن امداد ولد یوسف، حسین ولد گاجی خان، نصیر ولد یوسف اور امداد ولد یوسف کے ہمراہ حراست میں لے کر نامعلوم مقام پر منتقل کردیا تھا۔
پاکستانی فورسز نے آج انور کی لاش انکے لواحقین کے حوالے کی ہے جسے شدید تشدد کا نشانہ بنایا گیا ہے تاہم انور کے ساتھ جبری گمشدگی کا شکار دیگر افراد تاحال لاپتہ ہیں۔
خیال رہے بلوچستان میں اس نوعیت کا پہلا واقعہ نہیں ہے اس سے قبل بلوچستان کے مختلف علاقوں میں اس نوعیت کے واقعات پیش آئے ہیں۔
