بلوچستان کے ضلع قلات کے شہر منگچر سے اطلاعات ہیں کہ بلوچ جنگجوؤں کی بڑی تعداد داخل ہو گئی ہے، جن میں بلوچ خواتین جنگجوؤں کی نمایاں موجودگی کا بھی دعویٰ کیا جا رہا ہے۔
ذرائع کے مطابق منگچر کے مختلف اہم راستوں اور شاہراہوں پر ناکہ بندیاں کر کے رکاوٹیں کھڑی کر دی گئی ہیں، جبکہ بلوچ جنگجوؤں اور پاکستانی سیکیورٹی فورسز کے درمیان شدید جھڑپوں کی اطلاعات موصول ہوئی ہیں۔
مقامی ذرائع سے مزید دعویٰ کیا جارہا ہے کہ منگچر میں فورسز کو نفری پہنچانے کے لیے آنے والی اضافی فورسز پر سنگین حملہ کیا گیا، جس کے بعد پیش قدمی کرنے والے دستوں کو پیچھے ہٹنے پر مجبور ہونا پڑا۔ اس حملے میں خواتین جنگجوؤں کے متحرک کردار کا بھی دعویٰ سامنے آیا ہے۔
ذرائع کا کہنا ہے کہ اس وقت منگچر کے مختلف حصوں میں گشت، چیک پوسٹس اور بلاکنگ کا سلسلہ جاری ہے اور تمام اہم پوائنٹس پر جنگجوؤں کا کنٹرول بتایا جا رہا ہے۔ تاہم ان تمام دعوؤں اور رپورٹس کی آزادانہ ذرائع سے تاحال باقاعدہ تصدیق ہونا باقی ہے۔
