بلوچستان کے مرکزی شہر کوئٹہ میں دو مختلف واقعات میں سریاب روڈ پر نامعلوم مسلح افراد نے فائرنگ کرکے ایک ایک شخص قتل کردیا جبکہ میاں غنڈی میں ایرانی تیل کی گاڑی اور موٹر سائیکل میں تصادم سے ایک شخص جھلس کر ہلاک ہوگیا۔
کوئٹہ میں سریاب روڈ پر واقع گرین ٹاؤن کے قریب نامعلوم مسلح افراد نے فائرنگ کر کے ایک شخص کو قتل کر دیا۔
ایدھی ذرائع کے مطابق مقتول کی شناخت غلام سرور ولد غلام حسین کے نام سے ہوئی ہے۔
واقعے کے بعد ایدھی رضاکاروں نے لاش کو ہسپتال منتقل کر دیا۔
فائرنگ کی وجوہات اور ملزمان کے بارے میں مزید تفصیلات کا انتظار کیا جا رہا ہے۔
دوسری جانب کوئٹہ کے نواحی علاقے میاں غنڈی میں اتوار کے روز ایرانی تیل سے لدی موٹر سائیکل اور ایک مال بردار گاڑی کے درمیان شدید تصادم ہوا، جس کے نتیجے میں گاڑیوں میں اچانک آگ بھڑک اٹھی۔
پولیس کے مطابق آگ کی زد میں آ کر موٹر سائیکل سوار شخص موقع پر ہی جھلس کر ہلاک ہو گیا جبکہ ایک شخص شدید زخمی ہوا۔
اطلاع ملتے ہی پولیس نے موقع پر پہنچ کر لاش اور زخمی کو فوری طور پر ہسپتال منتقل کیا اور واقعے کی مزید قانونی کارروائی شروع کر دی ہے۔
