بلوچ یکجہتی کمیٹی (BYC) نے اقوامِ متحدہ کی انسانی حقوق کونسل (UNHRC) کے سیشن کے دوران عالمی فورم پر بلوچستان میں انسانی حقوق کی زبوں حالی اور بی وائی سی کے رہنماؤں کی گرفتاریوں کا معاملہ اٹھائے جانے کے اقدام کا گرم جوشی سے خیرمقدم کیا ہے۔
بی وائی سی نے ‘گلوبل ہیومن رائٹس ڈیفنس’ (GHRD) کی جانب سے بلوچ یکجہتی کمیٹی کے رہنماؤں اور فعال کارکنوں کی غیر قانونی حراست و جبر پر گہری تشویش کے اظہار اور اقوامِ متحدہ سے فوری نوٹس لینے کے مطالبے کو ایک اہم پیشرفت قرار دیا ہے۔ بی وائی سی نے GHRD سمیت ان تمام عالمی تنظیموں اور آوازوں کا شکریہ ادا کیا جو بلوچستان کے متأثرہ خاندانوں کی درد ناک صورتحال اور انسانی حقوق کی خلاف ورزیوں کو عالمی سطح پر اجاگر کر رہی ہیں۔
بلوچ یکجہتی کمیٹی نے اقوامِ متحدہ، بین الاقوامی انسانی حقوق کی تنظیموں اور متعلقہ عالمی اداروں سے مطالبہ کیا کہ بلوچستان میں انسانی حقوق کی سنگین صورتحال کی مؤقر اور مسلسل بنیادوں پر عالمی مانیٹرنگ (Monitoring) کو یقینی بنایا جائے۔
جبری گمشدگیوں اور حراستی تشدد کے تمام واقعات کی شفاف اور غیر جانبدارانہ تحقیقات کے لیے اپنا عالمی کردار ادا کیا جائے۔ عالمی پلیٹ فارمز پر بلوچستان کے متأثرہ اور ناچار خاندانوں کی آواز کو مؤقر انداز میں اٹھایا جائے۔
بی وائی سی نے امید ظاہر کی ہے کہ عالمی ادارے بلوچستان کی نازک صورتحال پر اپنی توجہ مزید عمل پر مبنی بنائیں گے اور خطے میں بنیادی انسانی حقوق کی پاسداری، انصاف اور احتساب کے عمل کو یقینی بنانے کے لیے عملی قدم اٹھائیں گے۔
