بلوچستان کے علاقے شاہرگ میں نامعلوم مسلح افراد کی فائرنگ سے ایک شخص ہلاک اور ایک زخمی ہوگیا جبکہ بارکھان میں مسلح افراد نے موبائل فون ٹاور کی مشینریز کو نذر آتش کردیا ۔
شاہرگ سے اطلاعات ہیں کہ نامعلوم افراد نے فائرنگ کرکے ایک شخص کو ہلاک جبکہ دوسرے کوزخمی کردیا۔
پولیس کے مطابق شاہرگ کے علاقے میں نامعلوم مسلح افراد نے فائرنگ کرکے ایک شخص راز ق کو ہلاک جبکہ عیسیٰ گل کو زخمی کردیا اور موقع سے فرا ہوگئے۔
پولیس نے نعش اورزخمی کو ہسپتال پہنچادیا جہاں نعش ضروری کارروائی کے بعد ورثاءکے حوالے کردی گئی۔
پولیس نے مقدمہ درج کرکے مزید کارروائی شروع کردی۔
دوسری جانب بارکھان کے علاقے کشانی بستی میں نامعلوم افراد نے موبائل ٹاور کی مشینری کو نذر آتش کردیا۔
بارکھان کے علاقے میں نامعلوم ملزمان موبائل ٹاور کی مشینری کو نذر آتش کرکے فرار ہوگئے
گزشتہ روز بارکھان کے علاقے کشانی بستی کے قریب نامعلوم مسلح افراد موبائل ٹاور کو نذر آتش کرکے فرار ہوگے جس سے مشینری جل گئی اور مواصلاتی رابطہ منقطع ہوگیا۔
