بلوچستان کے ضلع مستونگ کے علاقے کھڈکوچہ میں ایک ڈرون حملے کے نتیجے میں باغ میں کام کرنے والے کم از کم 6 مزدور ہلاک اور 3 شدید زخمی ہو گئے۔
ابتدائی اطلاعات کے مطابق یہ افسوسناک واقعہ کھڈکوچہ کے علاقے ‘گیت’ میں پیش آیا، جہاں مزدور ایک باغ میں کام کر رہے تھے کہ اچانک ڈرون حملے کا نشانہ بن گئے۔
واقعے کے فوری بعد تمام ہلاک اور زخمی مزدوروں کو طبی امداد اور ضروری کارروائی کے لیے شہید نواب غوث بخش رئیسانی ہسپتال منتقل کر دیا گیا ہے۔
ریسکیو ذرائع کے مطابق زخمیوں میں علی رضا مینگل ساکن کھڈکوچہ، نصیب اللہ ابڑو ساکن حاجی شہر کچھی اور خالد حسین ساکن حاجی شہر کچھی شامل ہیں۔
ذرائع کے مطابق حملے میں جاں بحق ہونے والوں کی شناخت گل خان مغیری، ساکن حاجی شہر، عمران، ساکن حاجی شہر، عبیداللہ، ساکن حاجی شہر، اور جہانزیب ابڑو کے نام سے ہوئی ہے۔
انتظامیہ اور سیکورٹی اداروں نے واقعے کی تحقیقات شروع کر دی ہیں۔
