قلات میں دھماکے سے پل تباہ، جھائو میں فوج پر حملہ،کڈھ کوچہ میں فائرنگ بعدہائی وے بند

بلوچستان کے علاقے قلات میں نامعلوم افراد کی جانب سے دھماکہ خیز مواد سے ایک پل تباہ کرنے کی اطلاعات سامنے آئی ہیں، جس کے باعث گزشتہ رات سے آر سی ڈی (RCD) ہائی وے کو ہر قسم کی ٹریفک کے لیے بند کر دیا گیا ہے۔

شاہراہ کی بندش کے نتیجے میں دونوں اطراف گاڑیوں کی لمبی قطاریں لگ گئی ہیں۔

دوسری جانب ذرائع کے مطابق کڈھ کوچہ کے علاقے میں بھی فائرنگ کی اطلاعات موصول ہوئی ہیں، جس کی وجہ سے اس علاقے میں بھی ہائی وے بند ہے۔

دریں اثنا ضلع آواران کے علاق جھائو میں مسلح افراد نے پاکستانی فوج پر حملہ کیا ہے۔

مقامی ذرائع کے مطابق، حملے کے دوران شدید فائرنگ اور متعدد دھماکوں کی آوازیں سنی گئیں۔

تاہم، ہلاکتوں یا نقصان کی حد کے حوالے سے تاحال کوئی باضابطہ بیان جاری نہیں کیا گیا ہے۔