بلوچستان کے ضلع پشین کے علاقے خانوزئی کے قریب قومی شاہراہ پر ایک موٹر سائیکل میں اچانک دھماکہ ہونے کے نتیجے میں تین افراد زخمی ہوگئے جن میں ایک کی حالت تشویشناک بتائی جارہی ہے۔
ڈی ایس پی عنایت کے مطابق زخمی افراد کرومائیٹ کی کانوں میں استعمال ہونے والا بارودی مواد موٹر سائیکل پر لے جا رہے تھے کہ دورانِ سفر بارودی مواد اچانک پھٹ گیا، جس کے باعث شدید دھماکہ ہوا۔
انہوں نے بتایا کہ واقعے کے بعد زخمیوں کو فوری طور پر ابتدائی طبی امداد فراہم کی گئی، جس کے بعد انہیں مزید علاج کے لیے کوئٹہ منتقل کر دیا گیا۔
ڈی ایس پی عنایت کے مطابق دھماکے کے نتیجے میں دو زخمیوں کے پاؤں کٹ گئے، جبکہ ایک زخمی کی حالت تشویشناک بتائی جاتی ہے۔
پولیس نے واقعے کی تحقیقات شروع کر دی ہیں جبکہ مزید قانونی کارروائی جاری ہے۔
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
