بلوچستان کے علاقے پشین کی پولیس نے دعویٰ کیا ہے کہ پولیس اور مسلح افراد کے درمیان فائرنگ کے تبادلے میں ٹی ٹی پی کا ایک رکن ہلاک ہوگیا۔
پولیس کے دعوے مطابق بدھ کی شام ایس ایچ او سٹی پولیس اسٹیشن پشین کلی کربلامیں چھاپہ مار کر واپس جارہے تھے کہ موٹرسائیکل پر سوار نامعلوم حملہ آوروں نے سانگرکلی کے قریب پولیس موبائل پر فائرنگ کردی ۔
انہوں نے کہا کہ پولیس کی جوابی کارروائی کے نتیجے میں ایک دہشت گرد زخمی ہوگیا جس کے بعد حملہ آور کلی سنگر پہاڑی کی طرف فرار ہوگئے۔
پولیس کا کہنا تھا کہ ڈسٹرکٹ پولیس پشین اورسی ٹی ڈی نے ملزمان کو گھیرے میں لے لیا جس کے بعد ملزمان پہاڑی میں بنے ایک بنکر میں چھپ گئے ۔اس دوران پولیس ، سیکورٹی فورسز کے درمیان شدید فائرنگ کے تبادلے میں ایک حملہ آور ہلاک ہوگیا ۔
پولیس دعوے کے مطابق واقعہ کے بعد پولیس اورقانون نافذ کرنے والے اداروں کاعلاقے میں سرچ آپریشن جاری ہے ۔اور ہلاک ہونے والے حملہ آور کے قبضے سے ایک کلاشنکوف بمعہ میگزین ،ہونڈا موٹرسائیکل ،شناختی کارڈ کی رنگین کاپی قبضے میں لے لی۔پولیس مزیدکارروائی کررہی ہے۔
