بلوچستان کے ضلع بارکھان میں مبینہ طور پر پاکستانی فورسز کی جوابی کارروائی کے نتیجے میں کم از کم 12 شہری ہلاک اور تین زخمی ہوئے ہیں۔
ہلاک ہونے والے افراد میں خواتین اور بچے بھی شامل ہیں۔
مقامی ذرائع کے مطابق یہ کارروائی علاقے میں ہونے والی شدید جھڑپوں کے بعد کی گئی، جن میں مسلح افراد اور سیکیورٹی فورسز کے درمیان فائرنگ کا تبادلہ ہوا۔
ذرائع کا کہنا ہے کہ جھڑپوں کے دوران دونوں جانب سے جانی نقصان ہوا، تاہم سرکاری سطح پر صرف 5 مسلح افراد کی ہلاکت کی تصدیق کی گئی ہے، جن میں ایک مقامی کمانڈر بھی شامل بتایا گیا ہے۔
ابھی تک کسی مسلح گروہ نے ان ہلاکتوں کی ذمہ داری یا تصدیق نہیں کی۔
علاقے میں خوف و ہراس کی فضا برقرار ہے، جبکہ مقامی آبادی نے شہریوں کی ہلاکتوں پر شدید غم و غصے کا اظہار کیا ہے۔
انسانی حقوق کے کارکنوں نے واقعے کی آزادانہ تحقیقات کا مطالبہ کیا ہے۔
