بلوچستان لبریشن فرنٹ( بی ایل ایف) کے ترجمان میجر گوہرام بلوچ نے میڈیا کو جاری کردہ اپنے ایک پریس ریلیز میں بولان اور چاغی میں حملوں کی ذمہ داری قبول کرلی۔
ترجمان نے کہا کہ بلوچستان لبریشن فرنٹ کے سرمچاروں نے بولان میں بی بی نانی کے مقام پر فورسز کیمپ اور چاغی میں پولیس چوکی کو دستی بم سے نشانہ بنایا۔
انہوں نے کہا کہ بلوچستان لبریشن فرنٹ کے سرمچاروں نے دس دسمبر کے رات ساڑھے آٹھ بجے بولان میں بی بی نانی کے مقام پر ایف سی کیمپ پر دونوں اطراف سے جدید و بھاری ہتھیاروں سے حملہ کیا، حملے میں آر پی جی کے گولے کیمپ کے اندر نشانے پر جا لگے جس کی وجہ سے کیمپ میں آگ بھڑک اٹھی، اس حملے کے نتیجے میں قابض فوج کو جانی و مالی نقصان پہنچا۔
ان کا کہنا تھا کہ دوسری کارروائی میں سرمچاروں نے سات دسمبر کی رات ساڑھے نو بجے کے قریب چاغی بازار میں قائم پولیس چیک پوسٹ پر دستی بم سے حملہ کیا جو چوکی کے اندر جا گرا جس کے نتیجے میں پولیس گاڑیوں اور چیک پوسٹ کو نقصان پہنچا۔
بیان میں مزید کہا گیا لہ بلوچستان لبریشن فرنٹ بولان میں پاکستانی فورسز کیمپ اور چاغی میں پولیس پر حملے کی زمہ داری قبول کرتے ہوئے اس عزم کو دہراتی ہے کہ قابض پاکستان کے مکمل انخلا ء تک ہماری جدوجہد جاری رہیں گی۔
