بلوچستان کے ضلع کیچ میں پاکستانی فورسز نے دو نہتے نوجوانوں کو فائرنگ کا نشانہ جس سے ایک موقع پر ہلاک اور دوسرا زخمی ہو گیا۔
مقامی ذرائع کا کہنا ہے کہ واقعہ اس وقت پیش آیا جب دو نوجوان پکنک منانے گئے تھے۔
ہلاک ہونے والے نوجوان کی شناخت اسماعیل ولد ابراہیم جبکہ زخمی کی شناخت نعمان ولد حیدر کے نام سے کی گئی ہے۔
مقامی افراد کا کہنا ہے کہ زخمی نوجوان اس وقت بھی فورسز کی تحویل میں ہے اور اس کی حالت کے بارے میں معلومات فراہم نہیں کی گئیں۔
بلوچستان کے مختلف علاقوں می پیش آنے والے ایسے نوعیت کے واقعات میں مسلسل اضافہ دیکھنے میں آیا ہے۔ اس سے قبل بھی چلتن اور بلیدہ کے علاقوں میں اسی نوعیت کے واقعات رپورٹ ہوئے تھے جن میں پکنک یا سیر و تفریح کی غرض سے جانے والے افراد نشانہ بنے تھے۔
