بلوچ ریپبلکن آرمی( بی آر اے ) کے ترجمان سرباز بلوچ نے میڈیا کو جاری کردہ اپنے ایک بیان میں بلوچستان کے ضلع کچھی میں بی ایل ایف کے ساتھ ایک مشترکہ کارروائی میں 5 پاکستانی فوجیوں کی ہلاکت کا دعویٰ کیا ہے۔
ترجمان نے کہا کہ بلوچ ریپبلکن آرمی کے سرمچاروں نے بلوچستان کے ضلع کچھی میں سنی کے علاقے میسر شاہوانی میں بلوچستان لبریشن فرنٹ کے سرمچاروں کے ساتھ مشترکہ کارروائی میں گھات لگا کر پاکستانی فوج کے ایک قافلے پر خود کار ہتھیاروں اور راکٹوں سے حملہ کیا۔
ان کا کہنا تھا کہ بلوچ سرمچاروں کے اس حملے میں پاکستانی فوج کے پانچ اہلکار ہلاک ہوئے اور تین گاڑیاں مکمل تباہ ہوئیں جبکہ ایک گاڑی کو بلوچ سرمچاروں نے اپنے قبضے میں لیکر تمام اسلحہ، گولہ بارود جدید ڈرون سمیت دیگر جنگی سامان اپنے تحویل میں لے لیا۔
ترجمان نے مزید کہا کہ قابض فوج پر یہ حملہ بی ایل ایف کے ساتھیوں کے ساتھ مشترکہ طور پر کیا گیا۔ اس طرح کے حملے مستقبل میں بھی جاری رہیں گے۔
