بلوچستان کے ضلع گوادر کے تحصیل جیونی کے علاقے کنٹانی کراس کے قریب کوسٹل ہائی وے پرپاکستان کوسٹ گارڈ کے اہلکاروں نے اپنی گاڑی ایک زمباد گاڑی پر چڑھاکر اس کے ڈرائیور کو بے دردی سے قتل کردیا۔
عینی شاہدین کے مطابق، زمباد اور ایک کرولا گاڑی میں سوار سول لباس میں ملبوس اہلکار کسی گاڑی کا تعاقب کر رہے تھے۔ تعاقب کے دوران جب گاڑی نہ رکی تو کوسٹ گارڈ کے اہلکاروں نے اسے ٹکر مار دی، جس کے نتیجے میں زمباد ڈرائیور ہلاک ہوگیا۔
علاقہ مکینوں اور تاجروں نے واقعہ پر شدید احتجاج کرتے ہوئے شفاف تحقیقات اور ملوث اہلکاروں کے خلاف سخت کارروائی کا مطالبہ کیا ہے۔
انہوں نے کہا ہے کہ ایسے واقعات سے نہ صرف خوف و ہراس پھیل رہا ہے بلکہ کاروباری سرگرمیاں بھی متاثر ہو رہی ہیں۔
