شہادت قومی کارکن کو امر کر دیتی ہے،کیچ گوادر ھنکین کے دائرہ کار میں بی این ایم کی تقاریب

ایڈمن
ایڈمن
4 Min Read

بلوچ نیشنل موومنٹ (بی این ایم) نے کیچ گوادر ھنکین کے دائرہ کار میں دو مختلف مقامات پر یوم شہداء کی مناسبت سے تقاریب کا انعقاد کیا جس میں مقررین نے بلوچ شہداء کی قربانیوں کی قیمت بلوچستان کی آزادی قرار دیتے ہوئے جدوجہد جاری رکھنے کے عزم کا اظہار کیا۔

تقریب سے بی این ایم کیچ گوادر ھنکین کے صدر بابا جی آر ، ھنکین کے نائب صدر بھار بلوچ ، جنرل سیکریٹری جیھند بلوچ ، سابق سینٹرل کمیٹی کے ممبر یوسف بلوچ اور دیگر نے خطاب کیا

مقررین نے اپنے خطاب میں 1839 میں میر محراب خان کی قربانی کا حوالہ دیتے ہوئے کہا کہ اس دن سے لے کر آج تک بلوچوں پر ظلم کا تسلسل جاری ہے اور بلوچوں نے اس کے خلاف مزاحمت کی ہے۔ ان کا کہنا تھا کہ اگر ایک سر قربان ہو جائے تو مزید سر قربان ہونے کے لیے تیار رہتے ہیں، اور زمین کو کسی صورت فروخت یا واگزار نہیں کیا جا سکتا۔ انھوں نے کہا کہ شہداء کے بہائے گئے خون کی بدولت آج بلوچستان سے محبت کی جاتی ہے اور شہادت قومی کارکن کو امر کر دیتی ہے۔

انھوں نے کہا کہ غلامی کو نسل پرستی کے تناظر میں نہیں دیکھنا چاہیے۔ انھوں نے بھگت سنگھ، چے گویرا اور نیلسن منڈیلا کا ذکر کرتے ہوئے کہا کہ زبان، زمین اور ثقافت مختلف ہونے کے باوجود درد اور جدوجہد ایک ہے۔ ان کا کہنا تھا کہ اپنی تاریخ کو قومی سرمایہ سمجھ کر محفوظ رکھنا اور آنے والی نسلوں تک پہنچانا ضروری ہے۔

مقررین نے کہا کہ شہداء نے جو بنیاد رکھی، ان کی خواہش یہ تھی کہ عمارت مکمل ہو اور آنے والی نسلوں تک یہ سوچ پہنچے۔ ان کا کہنا تھا کہ زیادہ تر شہداء بلوچستان کی آزادی کے حوالے سے باخبر لوگ تھے اور اسی راہ میں امر ہوئے۔ انھوں نے زور دیا کہ جدوجہد کی بنیاد مضبوط رکھی گئی ہے اور تنظیمی اصولوں کے مطابق آگے بڑھنا چاہیے۔

انھوں نے کہا کہ شہداء درخت کی مانند ہیں جو زمین کے لیے خون بہاتے ہیں۔ ان کا کہنا تھا کہ آج کی نسل باشعور ہے اور زمین کے درد کی وجہ سے قربانی سے پیچھے نہیں ہٹتی۔ انھوں نے شہداء سے عہد کا ذکر کیا کہ یا تو اسی راہ پر شہید ہوں گے یا بلوچ وطن کو آزاد کرائیں گے۔

مقررین نے کہا کہ بلوچ کی شہادت 1839 سے پہلے بھی شروع ہو چکی تھی، جس میں نوتکیوں کی مزاحمت ، سیاہ سوار کا سیاسی تدبر ، نابرابری اور بلوچ قومی شناخت کو لے کر بلوچ قومی تشکیل کا سفر شامل ہیں۔ ان کا کہنا تھا کہ بلوچ نے ہر دور میں اپنی سرزمین کے تحفظ کے لیے مزاحمت کی اور کبھی سر نہیں جھکایا۔ انھوں نے غلامی کی بڑی وجہ قومی اتحاد کی کمی کو قرار دیا اور کہا کہ دشمن کی تقسیم کی چالوں سے بچتے ہوئے اتحاد، ہمت اور جرأت کے ساتھ آزادی کی جنگ کو آخری منزل تک پہنچانا چاہیے۔

انھوں نے کہا کہ جب یہ جنگ کندھوں پر اٹھا لی گئی ہے تو اسے منزل تک پہنچانا ہے۔

Share This Article