بلوچستان کے علاقے خضدار سے ایک نوجوان کی لاش برآمد ہوئی ہے جسے تشدد کے بعد قتل کیا گیا ہے۔
نال سے انتظامیہ کو ایک نوجوان کی تشدد زدہ لاش ملی ہے، جسے تحویل میں لے کر اسپتال منتقل کردیا گیا ہے جہاں لاش کی شناخت فاروق احمد کے نام سے ہوئی ہے۔
بی این پی مینگل کے مطابق آج خضدار میں قتل کے بعد پھینکی گئی مسخ لاش بی این پی خضدار کے نائب صدر نور احمد مینگل کے جواں سال بیٹے کی ہے جسے 14 اپریل کو لاپتہ کیا گیا تھا اور آج تشدد زدہ لاش پھینکی گئی ہے۔
بی این پی مینگل کا کہنا ہے کہ فاروق احمد کے والد نور احمد مینگل پارٹی کے ضلعی نائب صدر ہیں اور گذشتہ کئی روز سے بلوچ یکجہتی کمیٹی کے رہنماؤں کی گرفتاری کے خلاف لکپاس کے قریب دھرنے میں شریک تھے۔
بی این پی نے پارٹی رہنما کے بیٹے کے قتل کی مذمت کی ہے۔
