بلوچستان کے علاقے حب میں پاکستانی فورسز کے ہاتھوں جبری لاپتہ نوجوان بازیاب ہوگیا۔
نصیر جان محمد حسنیٰ نامی نوجوان جو نوشکی کا رہائشی ہے کو گذشتہ سال 24 نومبر کو جبری گمشدگی کا نشانہ بنایا گیا تھا۔
مذکورہ نوجوان کی جبری گمشدگی کے خلاف انکے لواحقین سمیت دیگر لاپتہ افراد کے لواحقین نے حب بھوانی کے قریب کئی روز تک دھرنا دے دیا تھا جہاں بعد ازاں حکومتی معاہدے اور نوجوانوں کی بازیابی کے یقین دھانی پر لواحقین نے دھرنا ختم کردیا تھا۔
نصیر محمد حسنیٰ کی بازیابی کی تصدیق بلوچ یکجہتی کمیٹی نے کرتے ہوئے دیگر لاپتہ افراد کے بازیابی کا مطالبہ کیا ہے۔
