بلوچستان کے مرکزی شہر کوئٹہ میں ہزار گنجی میں گھر میں گیس لیکج کے دھماکے میں 2 خواتین ہلاک ہوگئیں۔
پولیس کے مطابق ہزار گنجی کے علاقے کلی خزاں کے رہائشی ہمایوں خان کے گھر میں گیس لیکج کے باعث دھماکا ہوا جس کے نتیجے میں ہمایوں خان کی اہلیہ اور 10 سالہ بیٹی بی بی زویا ہلاک ہوگئے۔
جب کہ ان کا بیٹا رئیس خان زخمی ہوگیا۔
پولیس کا بتانا ہے کہ زخمی کو سول اسپتال کے برنس وارڈ میں طبی امداد کے بعد گھر منتقل کردیا گیا ہے۔
