بلوچ نیشنل مومنٹ کا سابق چیئرمین اور بلوچ رہمنا خلیل بلوچ نے سوشل میڈیا کے پلیٹ فارم ایکس پر اپنے ایک پوسٹ میں فہیم بلوچ کو بلوچ نیشنل موومنٹ کا سیکرٹری خارجہ منتخب ہونے پر مبارکباد دیتے ہوئے کہاہے کہ بلوچ عوام کو درپیش چیلنجز کو عالمی سطح پر اجاگر کرنے کے لیے فہیم بلوچ کی لگن اور عزم واقعی قابل تحسین ہے اور وقت کا تقاضا ہے۔
ان کا کہنا تھا کہ وہ قومی آزادی کی جدوجہد کو سیاسی اور سفارتی محاذ پر آگے بڑھانے میں اہم کردار ادا کریں۔ انہوں نے کہا ہے کہ مجھے امید ہے کہ فہیم بلوچ بلوچ قومی کیس کے لیے غیر متزلزل عزم کے ساتھ انتھک محنت کرتے رہیں گے۔
واضع رہے کہ بلوچ نیشنل موومنٹ ( بی این ایم ) کے چوتھے مرکزی کمیٹی کے اجلاس میں سابق خارجہ سیکریٹری کے استعفیٰ کے نتیجے میں خالی ہونے و الے عہدے کے لیے ’ فہیم بلوچ ‘ بی این ایم کے خارجہ سیکریٹری منتخب کرلیے گئے ہیں۔
