بلوچستان کے ضلع کیچ کے مرکزی شہر تربت سے روانہ ہونے والا لاپتا افراد لواحقین کا لانگ مارچ پنجگور پہنچ گیاہے۔
لانگ مارچ کے شرکاءنے پنجگور میں شہید جاوید چوک پراپنا دھرناکیمپ لگا لیاہے۔
بلوچ یکجہتی کمیٹی کی جانب سے بروز بدھ پنجگور میں مکمل شٹر ڈاؤن ہڑتال کی کال دیدی گئی ہے۔
لانگ مارچ منتظمین کاکہنا تھاکہ جمعرات کے روز پنجگور میں لاپتہ افراد کی رجسٹریشن کا سلسلہ جاری رکھا جائیگا اور اسکے بعد لانگ مارچ کوئٹہ کی جانب بڑھے گی۔
لانگ مارچ میں شہید بالاچ مولابخش کے ورثاء سمیت لاپتہ افراد کے لواحقین اور سیاسی کارکنان شریک ہیں جن کا مطالبہ ہے کہ لاپتہ افراد کو بازیاب کیا جائے اور بلوچستان میں بلوچ نسل کشی بند کی جائے۔
