پشتون قوم پرست رہنما منظور پشتین پر فائرنگ اور گرفتاری کیخلاف پی ٹی ایم کی جانب سے کوئٹہ میں احتجاجی مظاہرہ کیا گیا۔
پی ٹی ایم کارکنان نے کوئٹہ پریس کلب کے باہر احتجاج کرتے ہوئے منظور پشتین پر فائرنگ اور گرفتاری کے واقعے کی شدید الفاظ میں مذمت کی۔
مظاہرین نے کہا کہ منظور پشتین چمن دھرنے میں خطاب کے بعد تربت میں جاری دھرنے میں اظہار یکجہتی کیلئے جارہے تھے کہ چمن میں ان پر فائرنگ کی گئی اور گرفتار کرلیا گیا جس کی جتنی مذمت کی جائے کم ہے۔
مظاہرین نے مطالبہ کیا کہ منظور پشتین پر فائرنگ کے واقعے کی تحقیقات اور فوری رہا کیا جائے۔
واضع رہے کہ منظور پشتین کو گزشتہ روز بلوچستان کے سرحدی شہر چمن سے گرفتار کیا گیا تھا۔
