ترکیہ کے شہر استنبول میں ہونے والے بم دھماکے کے ملزم کو گرفتارکرلیا گیا۔
ترک وزیرداخلہ نے بم دھماکے کا ذمہ دار کردستان ورکرز پارٹی کو قرار دیتے ہوئے دعویٰ کیا ہے کہ ملزم نے استنبول کی استقلال اسٹریٹ پربم نصب کیا تھا۔
اس سے پہلے ترک صدر نے ایک خاتون کو حملے کا ذمے دار قرار دیا تھا۔
استنبول میں ہونے والے بم دھماکے میں 6 افراد ہلاک اور 81 زخمی ہوئے ہیں۔
دھماکے کے وقت سیاحوں کی بڑی تعداد موجود تھی اور اتوارکا روز ہونے کے باعث تقسیم اسکوائر پر سیاحوں کا رش تھا۔
دھماکے کے وقت کی سی سی ٹی وی ویڈیو بھی سامنے آئی ہے جس میں دیکھا جاسکتا ہے کہ جائے وقوعہ پر سیاحوں کی بڑے تعداد موجود تھی اور دھماکے کے بعد افراتفری پھیل گئی۔
