سندھ کے مرکزی شہر کراچی کے مغربی ضلع کیماڑی ٹاؤن کے علاقے ماری پور سے آج صبح بروزاتوار 5 بلوچوں کو پاکستانی فوج اور خفیہ اداروں نے حراست میں لینے کے بعد جبری لاپتہ کردیا۔
جبری لاپتہ کیے جانے والے افراد کی شناخت نواز علی ولد ناصر، عادل ولد امام بخش، زاہد ولد جان محمد، اسرار ولد انور اور علی ولد بخشی کے ناموں سے ہوئی ہے۔
اسرار، نواز اور علی اس سے پہلے بھی فورسز کے ہاتھوں جبری گمشدگی کے شکار ہوچکے ہیں۔ علی اور اسرار طالب علم اور فٹبالر ہیں جبکہ دیگر جبری لاپتہ افراد ماہی گیری اور مزدوری کے پیشے سے وابستہ ہیں۔
