بی ایس او نا سنگت آتا کُمک ئٹ ارافتے ٹی شہید غلام محمد نا پِن کُلاں مُہٹ ئے ، شہید فدا احمد بی این وائی ایم بلوچ نیشنل یوتھ مومنٹ (BNYM) ئے جنوری 1987 آ جوڑ کرے ، دا دیوان (اجلاس) نا (صدارت )پاگ خواجہی ئے شہید فدا احمد کرے ، دا دیوان ئٹی ڈاکٹر مالک و ڈاکٹر حئی ہم آوار اسور دا ہمو وخت ئے کہ ڈاکٹر مالک و ڈاکٹر حئی شہید فدا احمد توں ہندا پاریسُر و اودے یقین تسہ سُر کہ نن تاں آجوئی اسکان جُہد کینا ۔ ارا کہ پدا تینے پِزیر کشار ۔
بی این وائی ایم (BNYM )نا دے اول آن سنگت آک ہندا ہیت ئے کریر کہ نن غیر پارلیمانی سیاست کینا انتے کہ پارلیمنٹ ننا دڑد آتا دوا افک ، بی ایس او نا سنگت آک بّلو کچ اسے ٹی BNYM نا اخلاقی کمک توں اوار اوار جلسہ و پروگرام تے ٹی ہم اوار مسور ۔
بی این وائی ایم (BNYM) نا اولی کونسل سیشن 1989 آ شہید نواب نوروز خان اسٹیڈیم شال (کوئٹہ ) آ مس ، دا ہندا کونسل سیشن اسک کہ بی این وائی ایم نا پِن مٹ مس ، پنتا BNM بی این ایم ، بلوچ نیشنل مومنٹ تخنگا ، ارا کہ اینو سال تاں سال آن پد شہید مروکا و بیگواہ آ کُل سنگت آتا قربانی تا سوب آن اینو اسکاں ارے ۔
ننا امید آتا روشن آ دیک ، ننا سنگت آک ، ننا کوپہ و ایلمک ، ننا ہم خیال آک ، آزادی نا جُنز آتے ٹی سیاسی سنگت آتا بلو کڑد اس مسونے ، ہر جاھ آ نن ہورین سیاسی سنگت آتا بلو دو اس مسونے ، جنگ و سیاست اِرا ہندونو گڑاؤ کہ اسیٹ ایلوڑانے ۔آجوئی نا جنز آتے ٹی جنگ آن بغیر سیاست مفک ، سیاست ان بیدس جنگ مفک ، انو ننا امید آک و سیاسی سنگت آک نُم تو تفوک او ۔
اگہ نن آجوئی خوانہ ، گڑا ننے شرّو جنگجو توں آوار آوار شرّو محنتی ، ایماندارو ، بہادر سیاست داں او سیاسی رہبر نا ضرورت تمیک۔ اگہ بلوچ راجی جہد آجوئی ٹی نن تینا ہنوکا سنگت آتا قربانی تے یاد کیں گڑا ننے خبر تمیک کہ اخس ننا پگہ کیں او تینا اینو قربان کرینو ۔ ننکیں کسر پٹانو ، ننے کسر آ شاغانو ، ننکیں آجوئی جہد ئنا امید اٹی زندہ مرنگ نا سبخ ئے تسونو۔
اینو کُل سنگت آک ارا کہ ننے آ جتا مسونو ، او بلوچستان نا جہد آجوئی ٹی ، شہید مسونو یاکہ تہار ئنگا زندان تے ٹی بندو ، اینو دشمن نا ہر وڑو ازیت سگنگ اٹیو۔ بی این ایم نا کونسل سیشن مسونے اوڑے پوسکنو سنگت گچین کرنگ مسونے ، اینو ننا امیدآک ہندادو کہ او اسے جوانو شرّتِرو ترز اسے ئٹ راجی جنُزے برجاہ تخیساٹ آجوئی کیں گام خلیرا ۔ او سنگت آتا قربانی تے یاد کریسا ہمو کسر ئٹ کارہ و گیش آن گیش کاریم کیرا ۔
منہ منہ ہندو بندغ ارے کہ اوفک تینا راجی حق ئے ادا کیرا، تنظیم او راج ئے تینا وام دار کیرا ، ہندا پن تے ٹی اسیٹ اس ننا رہشون چیرمین خلیل نائے اینو چیرمین خلیل اسے جوانو ترز اسے ئٹ جہدے مونا درینے ، اینو اگہ دائسکان بی این ایم نا پِن ارے گڑا ہندونا سنگت آتا سدخہ ئٹ ، موہاں نا Cabinet نا کُل ئنا جہد ئے سلام ئے او ہندا امید ئے کینہ کہ او تینا داسہ نا cabinet ئے تینا experience آزموندہ آتے آن باز گڑا ہیل ہیترا۔ او اسے ہندنو پالیسی اس ٹاہیفیر کہ تا آجوئی نا ہلنگ اسکان ہچو کمی ئس بف ۔ اسے ہندو کمی ئس بف کہ اوڑاں تنظیم کمزور مرے و راجی جُنز ئے نکُس مرے ۔
شہید غلام محمد و شہید فدا جان نا نظریہ اسے ہندونو نظریہ اسے کہ او ننا ہر وخت رہشونی ئے کریسا کیک ، ہندو شہید فدا جان نا نظریہ ئے شہید غلام محمد مونا ہیس اوکاں پد کہ غلام محمد شہید مس چیرمین خلیل او نظریہ تاں اینو اسکاں زندہ تخا ، ہندو نن پُوسکُونا چیرمین ڈاکٹر نسیم آن ہم نن ہندا امیدئے تخینا ۔
***
