بلوچستان کے علاقے ڈیرہ مراد جمالی سے ایک نوجوان لڑکا پراسرار طور پر لاپتہ ہوگیا ہے۔
اہلخانہ نے سٹی پولیس تھانہ میں لڑکے کے لاپتہ ہونے کا اطلاعی رپورٹ دیدی ہے۔
ڈ یرہ مراد جمالی ڈومکی محلہ ڈیرہ مراد جمالی کے رہائشی دین محمد جمالی نے مقامی صحافیوں کو بتایا کہ میرا 16 سالہ بیٹا امجد علی جمالی کل صبح جیلانی مارکیٹ دکان پر کام کے لیے گھر سے نکلا جوکہ راستے سے ہی پراسرارطور پر لاپتہ ہوگیا ہے۔
لاپتہ نوجوان کے والد کے مطابق رشتہ داروں،دوست واحباب سے رابط کرنے کے باوجود میرے بیٹے کا کوئی سراغ نہیں ملا ہے۔
انہوں نے کہا کہ اس سلسلے میں سٹی پولیس تھانہ میں اطلاعی رپورٹ دے دیا گیا ہے اگر کسی کو بھی میرے بیٹے امجد علی جمالی کے بارے میں کوئی معلومات یا علم ہو تو براہ کرم سٹی تھانہ ڈیرہ مراد جمالی میں اطلاع دیں۔
واضع رہے کہ ڈیرہ مرادجمالی میں رواں مہینے فورسز پر حملوں میں اضافے کے پیش نذر اس ا مکان کورد نہیں کیا جاسکتا کہ مذکورہ نوجوان کو پاکستان کے خفیہ اداروں نے لاپتہ نہیں کیا ہو۔کیونکہ یہ ریکاڑد پر موجودہے کہ جہاں جہاں بھی فورسزپر حملے ہوئے وہاں فورسز کے ہاتھوں جبری گمشدگیاں ہوئی ہیں۔
