کجام لبزے نشانیت دلءِ کتابانی
نداں کہ شیر کتگ مار زھریں تابانی
دُرشیت بگند منارءَ جہان گندیمءَ
بدل بوھاناں کہ نیّت نوں آسیابانی
نہ اِنت تُرّس زِرئے اَنگلاسیں توپانءِ
چہ تُرّس بیت ھمے واہریں تیابانی
اے جور بلّے وتارءَ گوں ھمبوہاں مالیت
نہ جنت چَھر کدی سرپتگیں گُلابانی
جہانءِ کُلیں ندارگ چہ دیدگاں اَندیم
نگاہ کتگ ما کَپَسءَ تئ ٹَھلءُ دابانی
عزاب گون مہ جن زردءِ سستگیں تاراں
بُجیت سازے دگہ اشکءِ ماں رَبابانی