بلوچستان کے ضلع پنجگورمیں بڑھتی ہوئی بد امنی کیخلاف آل پارٹیز نےبروز منگل 23 اپریل کو شہر بھرمکمل شٹر ڈائون ہڑتال کا اعلان کیا ہے ۔
آل پارٹیز کے رہنمائوں نے آل پارٹیز شہری ایکشن کمیٹی کے چیئر مین علاءالدین ایڈوکیٹ حق دو تحریک کے ملا فرہاد اور دیگر کے ہمراہ لوڈ اسپیکر کے ذریعے کاروباری افراد سے اپیل کی کہ وہ بروز منگل 23 اپریل کو اپنی دکانیں بند کرکے شہر میں بدامنی کے خلاف ہونے والی ہڑتال کو کامیاب بنائیں ۔
آل پارٹیز کے مطابق پنجگور میں بدامنی اپنی انتہا کو چکی ہے ہر طرف لاقانوعیت ہے دن دھاڑے شہریوں کو قتل اور انکے مال واسباب کو لوٹا جاتا ہے مجال ہے کہ ذمہ دار ادارے جرائم پیشہ افراد کی طرف آنکھ اٹھاکر دیکھیں ۔
آل پارٹیز ذاکر ظہور کے قتل سمیت دیگر واقعات میں ملوث ملزمان کی عدم گرفتاری پر احتجاج کے سلسلے کو مزید وسعت دے سکتی ہے۔
منگل کے ہڑتال کے بعد آئندہ کا لائحہ عمل طے کیا جائے گا۔
