آپ ءِ دوزھ – عمر مراد

ارسءِ ایمان بَر گَشتہ
ھون ءَ مہزب مٹّ کُتہ
رعیت دابع گوک ءُپس
ھاکم مکار زانوگِر
بے کِرد شیرکن گُشتِن
ہر شاھر
رستَر آدم حِرص پدگِر
من ھُولاں کہ تو پچگِر
کُشتءُکوشءُ دوچءُدرِ
بچکند امباز ساھ ءَگر
واد نہاد ءَ کم انسان
مرچی ہمکدّ ھِرّ ءُتِرّ
طاعت سیاست ہرچی دُروگ
زندءِ داگ اَنت بند ءُبوگ
عشقی ملنگاں سؤداگر
دوستیں دُژمن بے ھاتِر
من جُنزاں نوں تو رَھگِر
ُہون ءُ ھاناں تُرسگی اِنت
جی اؤ جاناں تُرسگی اِنت
آپ ءِدوزھ پُرّ نہ بیت
لاپ ءِ دوزھ پُر نہ بیت
نزیک ءَمیا بُو یَکِر
آزمان ءَ پِلِکیت بلکیں زِر
ارس ءِ ایمان بَر گَشتہ
ھون ءَمہزب مَٹ کُتہ