بلوچستان کے علاقے قلعہ عبداللہ کے مئی زئی اڈہ احتجاجی دھرنا مطالبات حل ہونے کی یقین دہانی اور مغوی نوجوان کی بازیابی کے بعد دھرنا کمیٹی نے لاشوں کے ہمراہ چھ روز سے جاری اپنا احتجاج ختم کرنے کا اعلان کردیا گیا ۔اور کوئٹہ چمن شاہراہ پر ٹریفک بحال ہوگئی۔
اس موقع پر دھرنا کمیٹی کے سربراہ حاجی کلیم اللہ کاکڑ نے اپنے خطاب میں علاقے کی صورتحال کے حوالے سے اہم باتیں کی اور اصل حقائق پیش کئے اور سرکار کو دھرنا کمیٹی کے خلاف کسی قسم کی انتقامی کارروائی نہ کرنے کی یقین دہانی کرانے کا مطالبہ کیا۔جو ڈپٹی کمشنر نے بھرپور یقین دہانی کرائی۔
آخر میں اجتماعی فیصلے کے بعد دھرنا ختم کرنے ک اعلان کردیا گیا اور واقعے میں ہلاک ہونے والے والد اور بیٹے کی لاشیں دفنانے کیلئے اپنے آبائی گاؤں کے جانے کیلئے روانہ کردئیے گئے۔
اس موقع پر ڈپٹی کمشنر ضلع قلعہ عبداللہ نوجوان کی بازیابی میں اہم کردار ادا کرنے والے جرگے کے سربراہ مولوی مفتی غلام حیدر صاحب دیگر قبائلی سیاسی رہنماؤں کے ہمراہ موجود تھے۔
