بلوچستان میں شدید برفباری کے باعث زیارت جانے والے سیاحوں کی درجنوں گاڑیاں کوئٹہ زیارت شاہراہ پر پھنس گئیں۔
چمن کے گردونواح میں بھی گاڑیاں پھنس گئیں، این 50 شاہراہ کان مہترزئی، خانوزئی، مسلم باغ سمیت کئی مقامات پر ٹریفک شدید متاثر ہوئی ہے۔
شاہراہ پر برف اور پھسلن سے شاہراہوں پر مسافر اور مال بردارگاڑیاں پھنس گئی ہیں۔
این 50 پر 9 مختلف حادثات میں 27 افراد زخمی ہوئے ہیں۔
کوژک ٹاپ کے مقام پر سائیبرین ہوائیں چلنے سے این 25 چمن کوئٹہ کراچی شاہراہ پر درجہ حرارت منفی 12 تک گرگیا۔
شیلاباغ کے قریب پھسلن سے کئی گاڑیاں آپس میں ٹکرا گئیں جس کے نتیجے میں 2 افراد ہلاک اور 7 زخمی ہوگئے۔
