بلوچستان کے علاقے دکی اور پشین میں دو مختلف واقعات میں فائرنگ سے خاتون سمیت 2 افراد ہلاک جبکہ 5 زخمی ہوگئے۔
ضلع پشین کلی تورہ شاہ میں نامعلوم افراد نے فائرنگ کرکے ایک شخص کو قتل کردیا۔
مقتول کی شناخت ڈاکٹر محمد صدیق خیرخواہ کے نام سے ہوگئی ہے ۔
فائرنگ کے نتیجے میں مقتول کے دو بیٹے محمد ہمایوں خان اور نصیر احمد خان شدید زخمی ہوگئے ۔
دوسری جانب جمعہ کو دکی کے علاقے جھالار میں مسلح افراد کے حملے میںایک خاتون ہلاک جبکہ تین افراد زخمی ہوگئے ہیں۔
زخمیوںمیں خان ولی ، عبدالنجیب اور عبداللہ شامل ہیں۔
لیویز نے زخمیوں کو ابتدائی طبی امداد کے بعد لورالائی منتقل کردیا ۔
مزید کاروائی جاری ہے ۔
