بلوچستان کے علاقے مچھ میں بارش وسیلاب سے گیس کی پائپ لائن بہہ گئی جس کے بعد کوئٹہ سمیت کئی علاقوں میں گیس کی فراہمی معطل ہوگئی ہے۔
ترجمان سوئی سدرن گیس کے مطابق مچھ میں 18 انچ گیس پائپ لائن سیلاب سے متاثر ہوگئی ہے۔
ترجمان کے مطابق گیس پائپ لائن متاثر ہونے سے کوئٹہ، مستونگ، قلات، پشین اور زیارت سمیت مختلف علاقوں کو گیس کی فراہمی معطل ہوگئی ہے۔
ترجمان کا کہنا تھا کہ سکیورٹی کلیئرنس کے بعد متاثرہ گیس پائپ لائن کی مرمت کا کام شروع کیا جائے گا۔
