بلوچستان کے علاقے پشین بازار میں ایک دھماکے سے 2 بچے سمیت 3 افراد ہلاک ہوگئے جبکہ 5 پولیس اہلکاروں سمیت 12 سے زائد افراد زخمی ہو گئے جن میں بعض کی حالت تشویش ناک بتائی جا رہی ہے۔
ہلاک ہونے والوں میں ایک 2 بچے اور ایک خاتون ہے۔
پولیس ذرائع کے مطابق دھماکے میں زخمی ہونے والوں میں پولیس اہلکار بھی شامل ہیں۔پشین میں دھماکہ ہوتے ہی پولیس اور ریسکیو کی ٹیمیں موقع پر پہنچ گئیں اور دونوں نے امدادی کارروائیاں شروع کیں۔
اس دوران ہلاک بچوں کی نعشوں سمیت زخمیوں کو ہسپتال منتقل کر دیا گیا۔
ذرائع نے بتایا ہے کہ بعض زخمیوں کی حالت تشویش ناک ہے جس کے باعث ہلاک ہونے والوں کی تعداد میں اضافے کا خدشہ ہے۔
دھماکے سے کئی گاڑیوں کو بھی نقصان پہنچا۔
مقامی پولیس کے مطابق علاقے کی ناکہ بندی کردی گئی ہے اور دھماکے کی نوعیت کا پتا لگایا جارہا ہے۔
دھماکے کی اطلاع ملتے ہی ریسکیو ٹیمیں موقع پر پہنچ گئیں اور زخمیوں کو طبی امداد کے لیے ہسپتال منتقل کردیا گیا۔