بلوچستان کے ضلع کیچ کے علاقے شہرک میں سی پیک روڈ پربلوچ قومی معدنیات لے جانے والی ٹریلروں پر نامعلوم مسلح افراد نے حملہ کردیا ۔
علاقائی ذرائع کا کہنا ہے کہ جمعہ ہفتہ کی رات بارہ بجے کے قریب مسلح افراد نے شہرک میں سی پیک روڈ کو بلاک کرکے قومی معدنیات لے جانی والی دو ٹریلروں میں سے ایک کو نذر آتش کرکے تباہ کیا جبکہ دوسری ٹریلر کاٹائرز فائرنگ کرکے ناکارہ کردیئے ۔
ٹریلر کو آگ لگنےکے بعد سی پیک روڈ آمدو رفت کیلئے مکمل بند ہوگیا ۔
حملے کی ذمہ داری تاحال کسی تنظیم نے قبول نہیں کی ہے۔ البتہ آزادی پسند مسلح تنظیمیں ماضی میں بلوچ وسائل کی لوٹ کھسوٹ میں ملوث ٹرانسپوٹرز و کمپنیوں کا نشانہ بنا چکے ہیں۔
