بلوچستان کے ساحلی ضلع گوادر کے شہر پسنی کے علاقے نلینٹ میں نامعلوم مسلح افراد نے پولیس چیک پوسٹ پر حملہ کر کے اس کا کنٹرول سنبھال لیا اور بعد ازاں اسے آگ لگا دی۔
ذرائع کے مطابق مسلح افراد نے اچانک نلینٹ کے مقام پر قائم پولیس کی چیک پوسٹ پر حملہ کیا اور کچھ دیر میں پوسٹ کو اپنے قبضے میں لے لیا۔
ذرائع کا کہنا ہے کہ قبضہ حاصل کرنے کے بعد مسلح افراد نے چیک پوسٹ کی عمارت اور دیگر تنصیبات کو آتشزدگی کا نشانہ بنایا۔
فی الوقت واقعے میں کسی قسم کے جانی نقصان کی تصدیق نہیں ہو سکی ہے، جبکہ واقعے سے متعلق مزید تفصیلات کا انتظار کیا جا رہا ہے۔
واقعہ کی ذمہ داری بھی تاحال کسی تنظیم نے قبول نہیں کی ہے۔
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
